XƏBƏRLƏR/Adprint 2019

12-14 sentyabr tarixlərində Boulevard Hotel Baku-da “AdPrint” - 2-ci Azərbaycan Beynəlxalq Reklam və Çap İşləri Sərgisi öz platformasında sənaye yeniliklərini, eləcə də reklam və çap işləri sahəsinin innovativ məhsul və xidmətlərini təqdim etdi.

Sərginin eksponentləri arasında reklam işi və poliqrafiya sahəsində həm şəxsi məhsul istehsalçıları, həm də Almaniya, Fransa Yaponiya və İtaliyanın məşhur brendlərinin distribütorları yer aldı. Sərgidə vizual reklam texnologiyaları, reklam xidmətləri, reklam qablaşdırması və etiketlər, tipoqrafiya və poliqrafiya xidmətləri, çap avadanlıqları və ləvazimatlarının istənilən növü, sərgi stendlərinin qurulması üzrə xidmətlər və digər sənaye sahələri üzrə məhsul və xidmətlər təqdim edildi.

Halal-P Technologies and Solutions şirkəti də sərginin əsas iştirakçılarından və sponsorlarından biri idi. Maraqlı stend sərgiləyən şirkət Konica Minolta C3070L və Azərbaycana ilk dəfə gətirilən Duplo DC 616 avadanlığını nümayiş etdirirdi. Əsas funksionallığı qatlama, kəsmə və pereforasiya işləri olan bu yeni avadanlıq sərgidə xüsusi diqqət cəlb etdi. Bundan əlavə, şirkət digər avandanlıqların çap nümunələrini, poliqrafiya profilinə uyğun olaraq, müxtəlif növ kağızların nümunələrini də sərgilədi. Komandanın hazırladığı stend ziyarətçilər tərəfindən xüsusi maraqla qarşılandı. Uğurla keçən bu sərgi yeni tanışlıqlar, əməkdaşlıqlar üçün real imkanlar yaratdı.

Bütün təşkilatçılara, əməyi keçən hər kəsə komandamız adından təşəkkür edirik!